დიდი ბრიტანეთის დაზვერვის განცხადებით, რუსეთის პრეზიდენტ, ვლადიმერ პუტინისთვის „როსგვარდია“ ერთ-ერთი საკვანძო ორგანიზაცია ხდება, რომელიც მისი რეჟიმის უსაფრთხოებას უზრუნველყოფს.
უწყების ცნობით, ამას პუტინის მიერ ხელმოწერილი კანონი ადასტურებს, რომლის თანახმად, „როსგვარდია“ მძიმე საბრძოლო ტექნიკას, მათ შორის, არტილერიას და მოიერიშე ვერტმფრენებს მიიღებს.
„გადაწყვეტილება პრიგოჟინის ამბოხის შემდეგ იქნა მიღებული. მიუხედავად გაკეთებული განცხადებებისა, განვითარებული მოვლენების დროს ამ ორგანიზაციის ეფექტურობის არანაირი ობიექტური მტკიცებულება არ არსებობს, არადა „როსგვარდია“ რეჟიმის შიდა უსაფრთხოების უზრუნველყოფისთვის იქმნებოდა", - ნათქვამია განცხადებაში.