ნატო-ს წარმომადგენლის განცხადებით, ალიანსი ჯერჯერობით, ბელარუსის ტერიტორიაზე მყოფი „ვაგნერის“ მხრიდან მოკავშირეებისთვის პირდაპირ ან ირიბ საფრთხეს ვერ ხედავს

ნატო-ს წარმომადგენლის განცხადებით, ალიანსი ჯერჯერობით, ბელარუსის ტერიტორიაზე მყოფი „ვაგნერის“ მხრიდან მოკავშირეებისთვის პირდაპირ ან ირიბ საფრთხეს ვერ ხედავს

ნატო-ს წარმომადგენლის, ოანა ლუნგესკუს განცხადებით, ალიანსი ბელარუსში სამხედრო აქტივობას თვალს ადევნებს, მაგრამ ჯერჯერობით ბელარუსის ტერიტორიაზე მყოფი კერძო სამხედრო კომპანია „ვაგნერის“ მხრიდან მოკავშირეებისთვის პირდაპირ ან ირიბ საფრთხეს ვერ ხედავს.

მისივე თქმით, ნატო-მ უკვე გააძლიერა თავისი აღმოსავლეთის ფლანგი.

„ყველაფერს გავაკეთებთ ნებისმიერი საფრთხის აღსაკვეთად და ალიანსის ტერიტორიის თითოეული სანტიმეტრის დასაცავად“, - განაცხადა ნატო-ს წარმომადგენელმა.

შეგახსენებთ, რომ 7 აგვისტოს ბელარუსმა ლიეტუვასა და პოლონეთის საზღვრებთან სამხედრო წვრთნები დაიწყო.