აშშ-ს სახელმწიფო მდივანმა, ენტონი ბლინკენმა რუსეთის მიერ მიცემული პირობა, მარცვლეულის შეთანხმებიდან მისი გასვლის კომპენსაციის სახით, აფრიკის ქვეყნებისთვის 50 ათასი ტონა მარცვლეულის მიწოდების შესახებ, შეაფასა და განაცხადა, რომ „ზოგადად თემა სასაცილო არ არის, მაგრამ რუსეთის მხრიდან მსგავსი შემოთავაზება სასაცილოა“.
მისივე თქმით, რუსეთის შემოთავაზება მხოლოდ 10-ზე ნაკლებ ქვეყანას ეხება.
„საუბარია მარცვლეულის 50 ათას ტონაზე, როდესაც რუსეთის მიერ ჩაგდებულმა შავი ზღვის მარცვლეულის ინიციატივამ მარცვლეულის 20 მლნ. ტონა მიაწოდა ცხოვრების დაბალი და საშუალო დონის მქონე ქვეყნებს“, - განაცხადა ბლინკენმა.
აშშ-ს სახელმწიფო მდივანმა დასძინა, რომ „შეთანხმებიდან გასვლის კომპენსაციის სახით შემოთავაზებული ოდენობა - ზღვაში წვეთია, იმის მიხედვით, რას იღებდნენ ეს ქვეყნები და რა ესაჭიროებათ“.