უკრაინამ აშშ-ს თავდაცვის სამინისტროს კასეტური საბრძოლო მასალის DPICM-ის გამოყენების შესახებ პირველი ანგარიში გაუგზავნა. ინფორმაციას CNN-ი ავრცელებს.

სააგენტოს ცნობით, ანგარიშში გაშვებული ჭურვებისა და რუსული არმიის განადგურებული მიზნების შესახებ ინფორმაცია არის შესული.

ანგარიში კასეტური საბრძოლო მასალის გამოყენების შესახებ, რომელიც ფართოდ აკრძალულია მსოფლიოში, უკრაინის თავდაცვის მინისტრის, ალექსეი რეზნიკოვის და მისი ამერიკელი კოლეგის, ლოიდ ოსტინის შეთანხმების საფუძველზე შედგა.