კიმ ჩენ ინმა გენშტაბის ხელმძღვანელი თანამდებობიდან გადააყენა და შეიარაღებულ ძალებს ომისთვის მზადყოფნისკენ მოუწოდა
ჩრდილოეთ კორეის ლიდერმა კიმ ჩენ ინმა შეიარაღებული ძალების უმაღლესი გენერალი შეცვალა და სამხედროებს ომისთვის მეტად მომზადებისკენ, იარაღის წარმოების გაზრდისა და წვრთნების გაფართოებისკენ მოუწოდა.
სახელმწიფო საინფორმაციო სააგენტო KCNA-ის ცნობით, კიმ ჩენ ინმა ეს განცხადება ცენტრალური სამხედრო კომისიის სხდომაზე გააკეთა, სადაც მტრის შეკავებისთვის საჭირო ზომების განხორციელების გეგმები განიხილეს.
ამასთან, კიმ ჩენ ინის გადაწყვეტილებით, ქვეყნის უმაღლესი გენერალი, გენერალური შტაბის უფროსი პაკ სუ ილი თანამდებობიდან გაათავისუფლეს და მის ნაცვლად გენერალი რი იონგ გილი დანიშნეს, რომელსაც ადრე ქვეყნის თავდაცვის მინისტრის, არმიის შტაბის უფროსის და სხვა თანამდებობები ეკავა.
KCNA-ის ცნობით, კიმ ჩენ ინის მიზანია იარაღის წარმოების შესაძლებლობების გაზრდა. გასულ კვირას ის იარაღის ქარხნებს ეწვია და მეტი სარაკეტო ძრავების, საარტილერიო და სხვა იარაღის წარმოების გაზრდა მოითხოვა.
ამასთან, ჩრდილოეთ კორეის ლიდერმა სამხედროებს მოუწოდა, წვრთნები ქვეყანაში წარმოებული უახლესი იარაღითა და აღჭურვილობით ჩაატარონ, რათა შეიარაღებული ძალები საბრძოლო მზადყოფნაში იყოს.
This is a modal window.
v-if="article.gallery" v-html="article.gallery"
