ახალი ჩქაროსნული მაგისტრალი ჩამოქცეულია, სატრანსპორტო საშუალებით გადაადგილება საფრთხის შემცველია. ამ ყოველივეზე პასუხისმგებელია ინდივიდუალურად ირაკლი ქარსელაძე, - ამის შესახებ „ერთიანი ნაციონალური მოძრაობის" პოლიტსაბჭოს წევრმა, ლაშა ფარულავამ განაცხადა.

მისივე თქმით, საქართველოს მთავრობამ ჩინური კომპანიები კორუფციული გზით შეარჩია, სესხად 2.8 მლრდ ლარი აიღო, რომელიც ნანგრევებში გადაყრილი ფულია.

„ამასობაში, ჩინურმა კომპანიამ საკუთარი გულგრილობით, დაუდევრობით ახალი ჩქაროსნული მაგისტრალის ინფრასტრუქტურა ჩამოაქცია, ძველი გზა ამორტიზებულია, ავტომობილით, სატრანსპორტო საშუალებით გადაადგილება არის საფრთხის შემცველი და ცხადია, ამას ჭირდება გამოძიება, რადგან კონკრეტული ადამიანების სახლებიც არის დანგრეული, ვინაიდან ჩინური კომპანია არაკეთილსინდისიერად ახორციელებს სამუშაოებს და ეს არის ინდივიდუალურად ირაკლი ქარსელაძის პასუხისმგებლობა,“ - განაცხადა ლაშა ფარულავამ, რომლის კომენტარსაც „ერთიანი ნაციონალური მოძრაობა“ ავრცელებს.