რუსული მედია - ყაბარდო-ბალყარეთის ჩერეკის რაიონში კლდოვანი მასის ჩამოშლის შედეგად ერთი ადამიანი დაიღუპა, სამი მძიმედ დაშავდა

რუსული მედიის ცნობით, დაზუსტებული ინფორმაციით, ყაბარდო-ბალყარეთის ჩერეკის რაიონში კლდოვანი მასის ჩამოშლის შედეგად, ერთი ადამიანი დაიღუპა, სამი კი, მძიმედ დაშავდა. დაშავებულები საავადმყოფოში ვერტმფრენით გადაიყვანეს.

ინფორმაციის თანახმად, შემთხვევა ალპინისტურ ბანაკ „ბეზენგისთან“ მოხდა 3,5 ათასი მეტრის სიმაღლეზე.

„შემთხვევის დროს ბანაკში 5 ტურისტისგან შემდგარი ჯგუფი იმყოფებოდა. ადგილზე მაშველები მუშაობენ. ერთი ადამიანი დაიღუპა, არიან დაშავებულები“, - ნათქვამია განცხადებაში.