გერმანიის ფინანსთა მინისტრი, კრისტიან ლინდნერი დღეს დილით კიევში ჩავიდა, - ინფორმაციას უკრაინული მედია ავრცელებს.

მათივე ინფორმაციით, ეს უკრაინაში მისი პირველი ვიზიტია რუსეთის სრულმასშტაბიანი შეჭრის დაწყების შემდეგ.

ცნობილია, რომ გერმანელი მინისტრი კიევში პოლიტიკურ მოლაპარაკებებს გამართავს.

შეგახსენებთ, უკრაინას 19 ივლისს ირლანდიის პრემიერ - მინისტრი ლეო ვარადკარი ეწვია და ვიზიტის ფარგლებში ქვეყნის პრეზიდენტს, ვოლოდიმირ ზელენსკის შეხვდა. მან უკრაინისთვის დამატებით 5 მილიონი ევროს ჰუმანიტარული დახმარების გამოყოფა და უკრაინელი მესანგრეებისა და სამხედრო ექიმების მომზადება დააანონსა. უკრაინას, ივლისის ბოლოს, ხორვატიის საგარეო საქმეთა მინისტრი გორდან გრლიჩ-რადმანი ეწვია.