მამუკა ხაზარაძე - ხელისუფლების სამიზნე სტიქიას გადარჩენილები და დაღუპულთა ოჯახის წევრები გახდნენ - შოვის ტრაგედიის სასწრაფო გამოძიება უნდა მოხდეს და ყველა უპასუხისმგებლო ჩინოვნიკი დაისაჯოს

"ოცნების" ლაქიების მორიგი ცილისმწამებლური პროპაგანდა ყველა ზღვარს გასცდა - ქვეყნის რუსული მენტალობის მთავრობა რეალობის დამახინჯებას ცდილობს,- ამის შესახებ პარტია „ლელოს“ ლიდერის მამუკა ხაზარაძის განცხადებაშია ნათქვამი.

მისი თქმით, მმართველი ძალის სამიზნე სტიქიას გადარჩენილები და დაღუპულთა ოჯახის წევრები გახდა. ხაზარაძის განცხადებით, დაუყოვნებლივ უნდა მოხდეს შოვის ტრაგედიის გამოძიება.

„ეს ბინძური პროპაგანდა, ადამიანების ტყუილით კვება, მხოლოდ იმიტომ რომ საკუთარი სკამები შეინარჩუნონ, ამორალური და დანაშაულებრივია.

შოვის ტრაგედიის სასწრაფო გამოძიება უნდა მოხდეს და დაისაჯოს ყველა უპასუხისმგებლო ჩინოვნიკი. ხელისუფლებას არ უნდა მივცეთ პასუხისმგებლობისგან გაქცევის საშუალება.

მინდა, ჩემი მხარდაჭერა გამოვუცხადო ყველა გადარჩენილს, მადლობა გადავუხადო ყველა მაშველს და მოხალისეს საკუთარი სიცოცხლის ფასად ადამიანების გადარჩენისთვის და კიდევ ერთხელ სამძიმარი გამოვუცხადო ყველა ჭირისუფალს. რუსული ტიპის პროპაგანდა ამ ქვეყანაში ვერ გაიმარჯვებს და ვერ მოგვერევა!“- განაცხადა ხაზარაძემ.

გიორგი გობრონიძე - უკრაინაში გრძელვადიან მშვიდობაზე საუბარი ადრეა, დასავლეთში კი ბოლომდე არ არის გაცნობიერებული ის რისკები, რაც რუსეთიდან უკრაინის და ევროატლანტიკური უსაფრთხოების მიმართულებით მომდინარეობს
ქართული პრესის მიმოხილვა 15.05.2025
„სილქნეტის“ და „საქართველოს ბანკის“ ერთობლივი შეთავაზება sCool და Student ბარათის მფლობელებს