მოლდოვა დსთ-ს განიარაღების შესახებ შეთანხმებიდან გადის
მოლდოვა დსთ-ს განიარაღების შესახებ შეთანხმებიდან გადის.
მოლდოვის თავდაცვის მინისტრის, ანატოლი ნოსატის განცხადებით, ქვეყნის მთავრობამ დსთ-ს ფარგლებში განიარაღების საკითხებზე მომუშავე საკონსულტაციო კომისიის შესახებ შეთანხმების დენონსაციის პროექტი დაამტკიცა.
მისივე თქმით, ოფიციალური კიშინიოვი, ქვეყნის პარლამენტის დადგენილების თანახმად, 1994 წლიდან აღარ იღებს მონაწილეობას დსთ-ს ფარგლებში სამხედრო და სამხედრო-პოლიტიკური საკითხების განხილვაში.
"მოლდოვა ასრულებს საერთაშორისო ვალდებულებებს და განიარაღების სფეროში საერთაშორისო დოკუმენტების პირობებს ასრულებს, კერძოდ, ევროპაში პირობითი შეიარაღებების შესახებ დოკუმენტს", – განაცხადა მან.
შეგახსენებთ, რომ, მიუხედავად იმისა, რომ მოლდოვა დღემდე რჩება დსთ-ს წევრად, ქვეყანა ორგანიზაციის ფარგლებში დადებული კიდევ 7 შეთანხმებიდან აპირებს გასვლას.
v-if="article.gallery" v-html="article.gallery"
