რუსეთის სამხრეთ ნაწილში, დაღესტნის რესპუბლიკის დედაქალაქ მაჰაჩყალაში ბენზინგასამართ სადგურზე მომხდარი აფეთქების შედეგად 12 ადამიანი დაიღუპა და 66 დაშავდა, - ინფორმაციას რუსული მედია ავრცელებს.

მათივე ინფორმაციით, დაღუპულებს შორის 2 ბავშვია, დაშავებულებს შორის კი -13.

აფეთქების შედეგად ძლიერი ხანძარი გაჩნდა, რომლის ფართობმა 600 კვადრატულ მეტრს მიაღწია.

მოგვიანებით ცნობილი გახდა, რომ ხანძარი ლიკვიდირებულია. აფეთქების მიზეზი ჯერჯერობით უცნობია.აღძრულია სისხლის სამართლის საქმე უსაფრთხოების მოთხოვნების დაკმაყოფილების გარეშე მომსახურების გაწევის ფაქტზე, რამაც ორი ან მეტი ადამიანის სიკვდილი გამოიწვია.