დიდ ბრიტანეთში რუსეთის ფედერაციის სასარგებლოდ ჯაშუშობაში ბრალდებული სამი ეჭვმიტანილი დააკავეს. ამის შესახებ ინფორმაციას BBC ავრცელებს.

გამოცემის ცნობით, ეჭვმიტანილების დაკავება ეროვნული უსაფრთხოების დარგში ჩატარებული დიდი გამოძიების შედეგად მოხდა.

„დაკავებულები ბულგარეთის მოქალაქეები არიან და მათ ბრალად ედებათ ჯაშუშური საქმიანობა რუსეთის ფედერაციის სასარგებლოდ “, - ნათქვამია გავრცელებულ ინფორმაციაში.