მედია - ლიბიის დედაქალაქში სამხედრო შეტაკებებია

ლიბიის დედაქალაქ ტრიპოლში სამხედრო შეტაკებებია. ამის შესახებ ინფორმაციას გამოცემა Deutsche Welle ადგილობრივ მოსახლეობასა და მედიაზე დაყრდნობით ავრცელებს.

გამოცემის ცნობით, რამდენიმე თვიანი შედარებითი სიწყნარის შემდეგ, წინა ღამით ტრიპოლის სხვადასხვა ნაწილში სამხედრო შეტაკებები მოხდა, რაც ამ მომენტამდე გრძელდება. მსხვერპლის შესახებ ინფორმაცია ამ დროისთვის, მიუწვდომელია.

ლიბიის ჯანდაცვის სამინისტროს ინფორმაციით, დედაქალაქის ბევრი მცხოვრები სახლებს ვერ ტოვებს. განცხადებაში ისინი დაპირისპირებულ მხარეებს მიმართავენ, რომ რაიონებში სასწრაფო დახმარების ჯგუფებს შესვლის საშუალება მისცენ.

ადგილობრივი მედიის ინფორმაციით, დაპირისპირება 444-ე ბრიგადასა და სპეციალურ შემაკავებელ ძალებს შორის მოხდა. აღნიშნული ჯგუფები ლიბიის დედაქალაქის ყველაზე ძლიერ სამხედრო ჯგუფებად მიიჩნევა.

ირაკლი მელაშვილი - კანონის მიღებით ხელისუფლებამ საბედისწერო შეცდომა დაუშვა
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
კახა ოქრიაშვილი - ვერცერთი ქართული ოჯახი ვერ იქნება ბედნიერი, თუ ჩვენი დიდი ოჯახი, საქართველო ძლიერი და ბედნიერი არ იქნება