ჩრდილოეთ კორეის სახელმწიფო უწყებების მტკიცებით, ამერიკელმა ჯარისკაცმა ტრევის კინგმა საზღვარი უკანონოდ გადაკვეთა და ის ჩრდილოეთ კორეაში თავშესაფარს ითხოვს.

მათივე ინფორმაციით, ჯარისკაცი აშშ-ს არმიაში არსებული „არაადამიანური მოპყრობისა და რასობრივი დისკრიმინაციის“ გამო გაიქცა.

ოფიციალური ვაშინგტონის განცხადებით კი, შეერთებული შტატები გაეროსთან ერთად, რომელსაც ჩრდილოეთ კორეის არმიასთან პირდაპირი კავშირი გააჩნია, ამერიკელი ჯარისკაცის გათავისუფლებას ცდილობს.

მედიის ინფორმაციით, 23 წლის ამერიკელმა რიგითმა, ტრევის კინგმა ჩრდილოეთ კორეის საზღვარი ექსკურსიის დროს 18 ივლისს გადაკვეთა.