ნატო-ს წარმომადგენელმა, რომელმაც ტერიტორიების დათმობის სანაცვლოდ უკრაინის ალიანსში გაწევრიანება არ გამორიცხა, ბოდიში მოიხადა

ნატო-ს წარმომადგენელმა, რომელმაც ტერიტორიების დათმობის სანაცვლოდ უკრაინის ალიანსში გაწევრიანება არ გამორიცხა, ბოდიში მოიხადა. ამის შესახებ ნატო-ს გენერალური მდივნის აპარატის ხელმძღვანელმა, სტიან იენსენმა გამოცემა VG-სთან ინტერვიუში განაცხადა.

“ამის შესახებ ჩემი განცხადება უკრაინაში სამომავლო სცენარების შესახებ უფრო ფართო დისკუსიის ნაწილი იყო, და ასე არ უნდა მეთქვა. ეს შეცდომა იყო”, - განაცხადა სტიან იენსენმა.

მან აღნიშნა, რომ ახლა ყველაზე მთავარი უკრაინის დახმარებაა, რომლის შეიარაღებული ძალებიც კონტრშეტევას აწარმოებენ.

“ბევრმა აღნიშნა, რომ ეს უფრო ნელა ხდება, ვიდრე მათ სურდათ. ამისდა მიუხედავად, ამისთვის ცოტა ოპტიმიზმის დამატება მსურს, როგორც დებატებისას ვთქვი. უნდა გვახსოვდეს, რომ ომის დასაწყისში იმაზე იყო ნერვიულობა, რომ უკრაინა კვირებისა და დღეების განმავლობაში შეიძლება ჩამოიშალოს”, - განაცხადა იენსენმა.

მისი თქმით, ახლა საკითხი იმაშია, თუ რამდენი ტერიტორიის დაბრუნებას მოახერხებენ უკრაინის შეიარაღებული ძალები.

“ეს [უკრაინის ჩამოშლა] საერთოდ არ მოხდა. მათ უფრო დიდ ძალასთან გმირული ბრძოლა აჩვენეს. ახლა საკითხი იმაშია, რამდენი ტერიტორიის დაბრუნება შეუძლია უკრაინას”, - განაცხად იენსენმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024