შვედეთმა ტერორისტული საშიშროების დონე გაზარდა. The Guardian-ის ცნობით, აღნიშნული გადაწყვეტილების მიღება, ყურანის რამდენჯერმე დაწვის შემდეგ, ქვეყნის უსაფრთხოების უზრუნველყოფასთან არის დაკავშირებული.
შვედეთის უსაფრთხოების სამსახურის განცხადებით, საშიშროების დონის გაზრდა 2016 წლიდან პირველად მოხდა.
„საშიშროების დონე „მაღალი საშიშროების“ დონემდე არის გაზრდილი, რადგან ბოლო თვეების განმავლობაში განვითარებული მოვლენების გამო, შვედეთი ისლამისტი-ექსტრემისტების ტერორისტული აქტების მიზანი შეიძლება გახდეს“, - აცხადებენ სამსახურში.
შეგახსენებთ, რომ ყურანის დაწვამ პროტესტები მთელს მსოფლიოში გამოიწვია.