ლიეტუვა ბელარუსთან საზღვარზე წვრთნებს გამართავს
ლიეტუველი მესაზღვრეები და შეიარაღებული ძალები პოტენციური საფრთხეებისთვის მოსამზადებლად 27 აგვისტოს ბელარუსთან საზღვარზე ერთობლივ წვრთნებს გეგმავენ, - ინფორმაციას მედია საშუალებები ქვეყნის შინაგან საქმეთა მინისტრზე, აგნე ბილოტაიტზე დაყრდნობით ავრცელებენ.
„იგეგმება წვრთნების ჩატარება (27 აგვისტოს) შეიარაღებულ ძალებთან ერთად რამდენიმე სცენარის შესამოწმებლად.მისი განმარტებით, პირველი სცენარი ეხება მიგრაციას, რამდენიმე გაუთვალისწინებელი სიტუაციის შემთხვევაში, ხოლო მეორე -საზღვარზე შექმნილი ჰიბრიდული სამხედრო საფრთხის მიმართ რეაგირებას.
ასევე განიხილება წვრთნებში მონაწილეობის მისაღებად მესაზღვრეების და სხვა ოფიცრების მოწვევის შესაძლებლობა ესტონეთიდან, ლატვიიდან და პოლონეთიდან.
შეგახსენებთ, მანამდე ცნობილი გახდა, რომ ლიეტუვამ ბელარუსთან საზღვარზე ექვსი სასაზღვრო გამშვები პუნქტიდან ორი დროებით დახურა. პოლონეთი და ბალტიის ქვეყნები საზღვარზე არსებული ვითარებით მას შემდეგ შეშფოთდნენ, რაც გასულ თვეში, კერძო სამხედრო კომპანია "ვაგნერის" ასობით დაქირავებული მებრძოლი ბელარუსის პრეზიდენტის, ალექსანდრე ლუკაშენკოს მიწვევით ქვეყანაში ჩავიდა. გარდა ამისა, გააქტიურდა ბელარუსის უშიშროების ძალების დახმარებით არალეგალური მიგრანტების მიერ საზღვრის გადაკვეთის მცდელობები.
v-if="article.gallery" v-html="article.gallery"
