თურქეთის პრეზიდენტი, რეჯეპ თაიფ ერდოღანი ხვალ უნგრეთს ეწვევა, სადაც ქვეყნის პრემიერ-მინისტრთან, ვიქტორ ორბანთან უკრაინაში ომის საკითხს განიხილავს.

ინფორმაციას თურქული მედია ავრცელებს.

„ორმხრივი ურთიერთობების გარდა, თურქეთისა და უნგრეთის საერთო ინტერესებზე რუსეთ-უკრაინის ომის ზეგავლენა იქნება განხილული“. - ნათქვამია განცხადებაში.

თურქული და უნგრული მხარე ასევე ნატო-ს გაფართოების პოლიტიკაზე და ევროკავშირთან ურთიერთობებზე იმსჯელებს, რაც ალიანსში შვედეთის გაწევრიანებასთან არის დაკავშირებული.

"განსაზღვრული იქნება საგზაო რუკაც, რომელიც საჭიროა შავ ზღვაში არსებული დაძაბულობის მოხსნისთვის ", – ნათქვამია განცხადებაში.