რუსეთის კურსკის ოლქში რკინიგზის სადგურზე უკრაინული დრონით განხორციელებული თავდასხმის შედეგად ხანძარი გაჩნდა, - ინფორმაციას რუსული მედია ოლქის გუბერნატორზე რომან სტაროვოიტზე დაყრდნობით ავრცელებს.

გუბერნატორის განცხადებით, თავდასხმის შედეგად ხუთი ადამიანი დაშავდა.

"უკრაინული დრონით კურსკში თავდასხმა მოხდა. წინასწარი ინფორმაციით, დრონი რკინიგზის სადგურის შენობის სახურავს დაეჯახა, რის შემდეგაც სახურავზე ხანძარი გაჩნდა, ხუთი ადამიანი მსუბუქად დაშავდა", - ნათქვამია გუბერნატორის განცხადებაში.

მისი თქმით, ადგილზე ყველა შესაბამისი სამსახური იმყოფება. მომხდარის დეტალები ზუსტდება.