უკრაინის დაზვერვის ინფორმაციით, რუსეთის უსაფრთხოების სამსახური სერგეი შოიგუსა და ვალერი გერასიმოვის თანამდებობებიდან გადაყენებას ცდილობს

უკრაინის დაზვერვის სამმართველოს ინფორმაციით, რუსეთის ფედერალური უსაფრთხოების სამსახური თავდაცვის მინისტრის, სერგეი შოიგუს და რუსული არმიის გენერალური შტაბის უფროსის, ვალერი გერასიმოვის თანამდებობებიდან გადაყენებას ცდილობს.

ინფორმაციას უკრაინის დაზვერვის სამმართველოს წარმომადგენელი, ანდრეი ჩერნიაკი ავრცელებს და აღნიშნავს, რომ კრემლში შიდაპოლიტიკური ბრძოლა პიკს აღწევს.

„უკრაინის დაზვერვა რუსეთის ფედერალური უსაფრთხოების სამსახურის მიერ თავდაცვის სამინისტროს ხელმძღვანელობის შეცვლის მცდელობებს ადასტურებს. ეს შიდა კონფლიქტი გრძელდება და გამარჯვებული მხოლოდ და მხოლოდ ერთი მხარე შეიძლება გამოვიდეს. მაგრამ ჯერჯერობით უცნობია, რომელი მხარე გამოვა გამარჯვებული", - განაცხადა ჩერნიაკმა.

მან ასევე დაამატა, რომ რუსეთის ფედერალური უსაფრთხოების სამსახურსა და რეგულარულ არმიას შორის კონფლიქტი ევგენი პრიგოჟინის ამბოხის შემდეგ გამწვავდა.

გიორგი სანიკიძე - რუსეთში დღეს იმდენად დიდია დაბნეულობა, იმდენადაა იგი გარიყული საერთაშორისო ასპარეზიდან და დასუსტებულია, არა მგონია მას სამხრეთ კავკასიაში მიზანმიმართული პოლიტიკის განხორციელების უნარი ჰქონდეს
ქართული პრესის მიმოხილვა 02.10.2023
მისაბმელი ტრაილერების მწარმოებელი გერმანული კომპანია „შმიტც კარგობული“ (Schmitz Cargobull) საქართველოს ბაზარზე შემოვიდა
კახა ოქრიაშვილი - ასეთი სუს-ის იმედზეა ბიძინა ივანიშვილი და ჩვენი საწყალი ქვეყანა?
დრესაპ ჯგუფი აჭარის რეგიონში 14 ახალ მაღაზიას ხსნის
თინეთი DeGameFi-ს ოფიციალური პარტნიორია
Petra Sea Resort-სა და Valor Hospitality Partners-ს შორის თანამშრომლობა Future Hospitality Summit-ზე დაანონსდა