რუსეთის საგარეო საქმეთა მინისტრი, სერგეი ლავროვი იოჰანესბურგში ჩავიდა, სადაც 22-24 აგვისტოს BRICS-ის ქვეყნების (ბრაზილია, რუსეთი, ინდოეთი, ჩინეთი) სამიტი ჩატარდება.
რუსული მედიის ცნობით, სამხრეთ აფრიკაში დაგეგმილი სამიტის დღის წესრიგის ძირითადი თემები ორგანიზაციის გაფართოებისა და ანგარიშსწორებაში ეროვნულ ვალუტებზე გადასვლა იქნება.
სამხრეთ აფრიკის საგარეო საქმეთა სამინისტროს ცნობით, BRICS-ში გაწევრიანების შესახებ განაცხადი 23 ქვეყანამ შეიტანა, რამდენიმე სახელმწიფომ კი არაოფიციალურ დონეზე ამ საკითხში თავისი დაინტერესება გამოხატა.
„სულ სამიტზე გლობალური სამხრეთისა და აფრიკის 67 ქვეყნის წარმომადგენლობა არის მოწვეული“, - ნათქვამია განცხადებაში.
შეგახსენებთ, რომ რუსეთის ფედერაციის პრეზიდენტზე, ვლადიმერ პუტინზე საერთაშორისო სისხლის სასამართლოს დაკავების ორდერი არის გაცემული. ამ მიზეზის გამო, რუსეთის პრეზიდენტი სამიტის მუშაობაში მხოლოდ ვიდეოფორმატში მიიღებს მონაწილეობას.
