საბერძნეთში, ტყის ხანძრების გამო, საავადმყოფოდან პაციენტების ევაკუაცია განხორციელდა.
ბერძნული მედიის ცნობით, ქვეყნის ტერიტორიაზე ამ დროისთვის ტყის ხანძრის 7 კერაა, კვამლი კოსმოსიდანაც ჩანს.
„ხანძრებთან ბრძოლა ალექსადრუპოლის, როდოპის, კავალას ქალაქებთან, ევბეისა და კითნოსის კუნძულებზე და ასევე ათენის შემოგარენში გრძელდება, სადაც მიმდებარე სარკინიგზო მაგისტრალი არის გაჩერებული“, - ნათქვამია განცხადებაში.
მედიის ინფორმაციით, ალექსადრუპოლოსთან, სადაც ხანძარი მეოთხე დღეა მძვინვარებს, შექმნილი ვითარება მძიმე რჩება.
„მეხანძრეების ძალისხმევის მიუხედავად, ქალაქის რამდენიმე რაიონის მოსახლეობისა და ადგილობრივი საავადმყოფოდან პაციენტების ევაკუირება გახდა საჭირო. პაციენტები გემზე განათავსეს“, - იუწყება ბერძნული მედია.