უკრაინის უსაფრთხოების გარანტიების შესახებ „დიდი შვიდეულის“ დეკლარაციას კიდევ ერთი ქვეყანა შეუერთდა

ლუქსემბურგი უკრაინის უსაფრთხოების გარანტიების შესახებ „დიდი შვიდეულის“ დეკლარაციას შეუერთდა, - ამის შესახებ უკრაინის პრეზიდენტი, ვოლოდიმირ ზელენსკი „ტვიტერზე“ წერს.

„მადლობას ვუხდი ლუქსემბურგს და მის ხალხს უკრაინისადმი ურყევი მხარდაჭერისთვის, რომელიც ეფუძნება საერთო დემოკრატიულ იდეალებსა და ჩვენი ევროატლანტიკური ოჯახის ინტერესებს“, - აცხადებს ზელენსკი.

აღსანიშნავია, რომ ლუქსემბურგი 27-ე ქვეყანა გახდა, რომელიც უკრაინასთან მხარდაჭერის შესახებ ხელშეკრულების დადებას გეგმავს.

ცნობისათვის, „დიდი შვიდეულის“ ქვეყნებმა 12 ივლისს ვილნიუსში გამართულ ნატო-ს სამიტზე უკრაინის მხარდაჭერის დეკლარაცია მიიღეს. დოკუმენტი ღიაა ხელმოწერისთვის და ყველა დაინტერესებულ ქვეყანას შეუძლია, მას შეუერთდეს. ამის შემდეგ, თითოეულ სახელმწიფოსთან, უკრაინა დაიწყებს ორმხრივ მოლაპარაკებებს უსაფრთხოების კონკრეტულ გარანტიებზე და ხელს მოაწერს შესაბამის ორმხრივ შეთანხმებებს. ასეთი მოლაპარაკებები უკვე დაწყებულია აშშ-სა და გაერთიანებულ სამეფოსთან.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
ლოპოტა კერამიკული ქანდაკებების საერთაშორისო სიმპოზიუმს Bird of Paradise 2024-ს მასპინძლობს