კასპის მუნიციპალიტეტის სოფელ ხანდაკში კაცმა ცოლი მოკლა

კასპის მუნიციპალიტეტის სოფელ ქვემო ხანდაკში კაცმა ცოლი მოკლა. ბრალდებული მამაკაცი 80 წელს მიღწეულია, მოკლული კი 65 წლის იყო. მეზობლების ინფორმაციით, ცოლ-ქმარი ხშირად კამათობდა.

სამართალდამცავებმა ბრალდებული ცხელ კვალზე დააკავეს.

როგორც „ინტერპრესნიუსს“ შინაგან საქმეთა სამინისტროში განუცხადეს, მომხდარ ფაქტზე გამოძიება საქართველოს სისხლის სამართლის კოდექსის 11-109 პრიმა მუხლით დაიწყო, რაც განზრახ მკვლელობას გულისხმობს და 16-დან 20 წლამდე ან უვადო პატიმრობას ითვალისწინებს.