უკრაინის დაზვერვის მთავარი სამმართველო დროებით ოკუპირებულ ყირიმში აფეთქებებს ადასტურებს
უკრაინის დაზვერვის მთავარი სამმართველო დროებით ოკუპირებულ ყირიმში აფეთქებებს ადასტურებს.
უწყების პრესსამსახურის ცნობით, აფეთქებები სოფელ ოლენოვკასთან მოხდა, რის შედეგად რუსული დიდი და საშუალო რადიუსის მოქმედების საზენიტო-სარაკეტო სისტემა С-400 „ტრიუმფი“ იქნა განადგურებული.
„აფეთქების შედეგად მთლიანად განადგურებულია თვით დანადგარი, მასზე დაყენებული რაკეტები და ასევე პირადი შემადგენლობა“, - ნათქვამია განცხადებაში.
უკრაინის დაზვერვის განცხადებით, განადგურებული კომპლექსი იშვიათია რუსეთის ჯარის შეიარაღებაში, რაც მათთვის მტკივნეულ დარტყმას წარმოადგენს და ყირიმის ნახევარკუნძულის შემდგომ ვითარებაზე სერიოზულ ზეგავლენას იქონიებს.
