ფინეთის პრემიერ-მინისტრი - უკრაინის ადგილი ევროკავშირში და ნატო-შია

ფინეთის პრემიერ-მინისტრის, პეტერი ორპოს განცხადებით, ომის შემდეგ უკრაინა ევროატლანტიკური საზოგადოების ნაწილი უნდა გახდეს.

აღნიშნული განცხადება ფინეთის პრემიერ-მინისტრმა კიევში, უკრაინის პრეზიდენტთან, ვოლოდიმირ ზელენსკისთან ერთობლივი პრესკონფერენციის დროს გააკეთა.

ფინეთის პრემიერი უკრაინის დამოუკიდებლობის დღისადმი მიძღვნილ ღონისძიებებში იღებს მონაწილეობას.

„ჩვენ ომის შემდეგ სიცოცხლის იმედი უნდა გვქონდეს, ამიტომ უკრაინის შესახებ, როგორც ევროატლანტიკური საზოგადოების ნაწილზე უნდა ვისაუბროთ. უკრაინამ დამოუკიდებლად უნდა განსაზღვროს თავისი მომავალი. ის ჩვენი საერთო ღირებულებებისთვის და თავისუფლებისთვის იბრძვის. უკრაინის ადგილი - დასავლეთში, ევროკავშირში და ნატო-შია“, - განაცხადა ორპომ.

მისივე თქმით, უახლოეს მომავალში ფინეთი უკრაინას დახმარების ახალ, რიგით უკვე მე-18 პაკეტს მიაწვდის.

„თავისი მოცულობით დახმარების ახალი პაკეტი იგივეა, რაც წინა. იმის გათვალისწინებით, რომ ფინეთი უკრაინის ერთ-ერთი უმსხვილესი დონორია, პაკეტში ნამდვილად საჭირო რამ არის შესული - მძიმე შეიარაღება და საბრძოლო მასალა“, - განაცხადა ფინეთის პრემიერ-მინისტრმა.

გიორგი სანიკიძე - რუსეთში დღეს იმდენად დიდია დაბნეულობა, იმდენადაა იგი გარიყული საერთაშორისო ასპარეზიდან და დასუსტებულია, არა მგონია მას სამხრეთ კავკასიაში მიზანმიმართული პოლიტიკის განხორციელების უნარი ჰქონდეს
ლელა ჯანაშვილი - „პერსონალურ მონაცემთა დაცვის შესახებ“ ახალი კანონი მნიშვნელოვანია კანონმდებლობის ევროპულ სტანდარტებთან დაახლოებისთვის - ის არსებითად გააუმჯობესებს პერსონალურ მონაცემთა დამუშავების პროცესსა და ზედამხედველობას
ქართული პრესის მიმოხილვა 02.10.2023
კახა ოქრიაშვილი - ასეთი სუს-ის იმედზეა ბიძინა ივანიშვილი და ჩვენი საწყალი ქვეყანა?
დრესაპ ჯგუფი აჭარის რეგიონში 14 ახალ მაღაზიას ხსნის
თინეთი DeGameFi-ს ოფიციალური პარტნიორია
Petra Sea Resort-სა და Valor Hospitality Partners-ს შორის თანამშრომლობა Future Hospitality Summit-ზე დაანონსდა