„ერთიანი ნაციონალური მოძრაობის“ თავმჯდომარე, ლევან ხაბეიშვილი პარტიის ოფისში ისრაელის ელჩს ჰადას მეიცადს შეხვდა. ამის შესახებ ინფორმაციას „ნაციონალური მოძრაობა” ავრცელებს.

ლევან ხაბეიშვილის განცხადებით, შეხვედრაზე საქართველოს მესამე პრეზიდენტის, მიხეილ სააკაშვილის თავისუფლების მნიშვნელობაზე ისაუბრეს.

„შეხვედრაზე ვისაუბრეთ მიხეილ სააკაშვილის თავისუფლების მნიშვნელობაზე თუ გვსურს 2024 წლის არჩევნებს მარტო სახელად არ ერქვას არჩევნები და რეალურად ივანიშვილის და რუსული პარტიის მთავარი მოწინააღმდეგე ტყვეობაში არ უნდა ხვდებოდეს მოახლოებულ, გადამწყვეტ არჩევნებს. ასევე ვისაუბრეთ ორი ქვეყნის ურთიერთობაზე და შევთანხმდით სამომავლო თანამშრომლობაზე”, - განაცხადა ლევან ხაბეიშვილმა.