არჩევნები აშშ-ში გავლენას იქონიებს უკრაინის მხარდაჭერაზე, - ამის შესახებ უკრაინის პრეზიდენტმა ვოლოდიმირ ზელენსკიმ პრესკონფერენციაზე განაცხადა.

„ელექტორალური შეჯიბრის წელი, არჩევნების წელი. ეს, რა თქმა უნდა, გავლენას იქონიებს უკრაინის მხარდაჭერაზე. რა თქმა უნდა, ამან შეიძლება როგორც დადებითი, ისევე უარყოფითი გავლენა იქონიოს. ჩვენი მხრივ, ჩვენ ყველაფერს გავაკეთებთ, რათა შეერთებული შტატების მხარდაჭერა არ შემცირდეს”, - განაცხადა ზელენსკიმ.

უკრაინის პრეზიდენტის თქმით, უკრაინა „მთელ დროს, ჩვენს ენერგიას უთმობს იმას, რომ მუდმივად ვიმუშაოთ შეერთებულ შტატებთან”.

ზელენსკიმ "რესპუბლიკური პარტიიდან" მომავალ გარკვეულ ხმებთან დაკავშირებით „რისკები” აღნიშნა, თუმცა ამავდროულად განაცხადა, რომ “რესპუბლიკურ პარტიას ბევრი ხმა აქვს, რომლებიც ჩვენ გვიჭერენ მხარს”.