რუსეთის ტვერის ოლქში ჩამოვარდნილ თვითმფრინავში სამი პილოტი და შვიდი მგზავრი იმყოფებოდა, ყველა დაიღუპა, ამის შესახებ ინფორმაციას რუსული სახელმწიფო გამოცემა „ტასი“ რუსეთის საგანგებო სიტუაციების სამსახურზე დაყრდნობით ავრცელებს.

თავის მხრივ, რუსული სახელმწიფო გამოცემა „რია ნოვოსტი” საგანგებო სამსახურზე დაყრდნობით აცხადებს, რომ თვითმფრინავის ჩამოვარდნის ადგილას რვა ცხედარია ნაპოვნი.

„რია ნოვოსტის” ცნობით, თვითმფრინავი კომპანია „მნტ-აეროს” ეკუთვნოდა, რომელიც ბიზნეს ფრენებზე სპეციალიზდება.

გამოძიებას „როსავიაციის” მიერ შექმნილი სპეციალური კომისია აწარმოებს.