რობერტ ბრიგერი - რუსეთს ომის გაგრძელება კიდევ დიდხანს შეუძლია

ევროკავშირის სამხედრო საქმეთა კომიტეტის ხელმძღვანელის, გენერალ რობერტ ბრიგერის განცხადებით, რუსეთი კიდევ დიდხანს შეძლებს უკრაინაში ომის წარმოებას, ამიტომ იმის პროგნოზირება, შესაძლოა თუ არა უკრაინის სუვერენიტეტის სრული აღდგენა მის ხელთ არსებული საშუალებებით, ძალიან რთულია. აღნიშნულ განცხადებას DW ავრცელებს.

"მე ასევე სიფრთხილით ვეკიდები უკრაინული ჯარის მიერ რუსული არმიის თავდაცვითი ხაზების გარღვევასთან დაკავშირებულ პროგნოზებს. სასურველია, რომ ომი უკრაინის სამხედრო წარმატებით დასრულდეს, მაგრამ ასეთი პროგნოზის გაკეთება შეუძლებელია", - განაცხადა გენერალმა.

მისივე თქმით, ოფიციალური კიევის ხელთ არსებული ბრიგადების რაოდენობა არც თუ ისე დიდია, მეორე მხრივ, რუსეთს თვეები ჰქონდა იმისთვის, რომ კარგად გამაგრებული თავდაცვითი ხაზები შეექმნა, ამიტომ ომის გაგრძელება რუსეთს კიდევ დიდი ხანი შეუძლია.

"ამასთან, რუსეთს იარაღის უზარმაზარი მასა გააჩნია და პირადი შემადგენლობის გიგანტური პოტენციური რეზერვი", − დასძინა ბრიგერმა.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება