2024 წლის 1-ელი იანვრიდან BRICS-ის მონაწილეთა შემადგენლობას კიდევ ექვსი ქვეყანა - არგენტინა, ირანი, არაბთა გაერთიანებული საამიროები, საუდის არაბეთი და ეთიოპია ემატება.
აღნიშნული განცხადება იოჰანესბურგში მიმდინარე BRICS-ის სამიტზე მასპინძელმა, სამხრეთ აფრიკის პრეზიდენტმა, სირილ რამაპოსამ გააკეთა.
მისივე თქმით, ორგანიზაცია გაფართოების ერთი ფაზით არ შემოიფარგლება.
„BRICS-ში გაწევრიანების შესახებ განაცხადი 22 ქვეყანამ შეიტანა. ორგანიზაციის ლიდერებმა ახალი წევრების მიღების პრინციპები უკვე შეათანხმეს“, - ნათქვამია განცხადებაში.
შეგახსენებთ, რომ BRICS-ი ხუთი სახელმწიფოსგან (ბრაზილია, რუსეთი, ინდოეთი, ჩინეთი და სამხრეთ აფრიკის რესპუბლიკა) შემდგარ გაერთიანებს წარმოადგენს და 2006 წლის ივნისში დაფუძნდა.