ვოლოდიმირ ზელენსკი ყირიმში უკრაინის დაზვერვის მიერ ჩატარებულ სპეცოპერაციას გამოეხმაურა და აღნიშნა, რომ უკრაინელების მხრიდან მსხვერპლი არ ყოფილა

უკრაინის პრეზიდენტი, ვოლოდიმირ ზელენსკი დროებით ოკუპირებულ ყირიმში უკრაინის დაზვერვის მიერ განხორციელებულ წარმატებულ სპეცოპერაციას გამოეხმაურა.

კიევში გამართულ ბრიფინგზე, შეკითხვაზე, ნიშნავს თუ არა უკრაინის მიერ ჩატარებული სპეცოპერაცია ყირიმში ნახევარკუნძულის დეოკუპაციის დაწყებას, ზელენსკიმ აღნიშნა, რომ „ყირიმის განთავისუფლებაზე საუბარი ჯერ ძალიან ადრეა".

„დიახ, ეს ჩვენი ბიჭები არიან. ჩვენი მხრიდან მსხვერპლი არ არის. ეს არის ის, რისი განხილვაც უკრაინის თავდაცვის სამინისტროს მთავარი სადაზვერვო სამმართველოს ხელმძღვანელთან ტელეფონით შევძელი", - აღნიშნა ზელენსკიმ.

მისი თქმით, კირილ ბუდანოვისგან დეტალურ ანგარიშს ელოდება.

მანამდე ცნობილი გახდა, რომ უკრაინის მთავარი სადაზვერვო სამმართველოს სპეცრაზმი რუსეთის მიერ დროებით ოკუპირებულ ყირიმში, ილენოვკასა და მაიაკის დასახლებების მიდამოებში დაეშვა და უკრაინის დაზვერვის თანამშრომლებსა და ოკუპანტებს შორის ბრძოლა მოხდა, რის შედეგადაც რუსებმა გარკვეული რაოდენობის პერსონალი და აღჭურვილობა დაკარგეს. უკრაინის თავდაცვის სამინისტროს მთავარი სადაზვერვო სამმართველოს წარმომადგენლის, ანდრეი იუსოვის განცხადებით, უკრაინელმა სამხედროებმა ნახევარკუნძული დანაკარგის გარეშე დატოვეს. "ყველა მიზანი და ამოცანა შესრულებულია", - აღნიშნა იუსოვმა. გარდა ამისა, ცნობილი გახდა, რომ ყირიმში უკრაინის სახელმწიფო დროშა აღიმართა.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?