რუსეთის თავდაცვის უწყება - კალუგის ოლქში უკრაინული С-200 რაკეტა ჩამოვაგდეთ

რუსეთის საჰაერო თავდაცვის სისტემამ კალუგის ოლქში მოდიფიცირებული С-200 სისტემის უკრაინული რაკეტა ჩამოაგდო, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.

„აღიკვეთა კიევის რეჟიმის მცდელობა განეხორციელებინა ტერორისტული თავდასხმები რუსეთის ფედერაციის ტერიტორიაზე განთავსებულ სამოქალაქო ობიექტებზე მოდიფიცირებული С-200 სისტემის უკრაინული რაკეტის გამოყენებით. რაკეტა კალუგას ოლქის ტერიტორიაზე საჰაერო თავდაცვის სისტემებმა აღმოაჩინა და გაანადგურა“, - ნათქვამია თავდაცვის უწყების განცხადებაში.

ცნობისათვის, მანამდე, რუსულმა "ტელეგრამ" არხებმა გაავრცელეს ინფორმაცია, რომ კალუგისა და ტულას ოლქებში ღამით ძლიერი აფეთქებების ხმები ისმოდა.