კიევის ოლქის ერთ-ერთ რაიონში ჩამოგდებული ფრთოსანი რაკეტების ფრაგმენტების ჩამოვარდნის შედეგად 10 კერძო სახლი დაზიანდა, - ინფორმაციას უკრაინული მედია კიევის საოლქო-სამხედრო ადმინისტრაციის ხელმძღვანელზე, რუსლან კრავჩენკოზე დაყრდნობით ავრცელებს.
„ამასთან, დაზიანდა ორი ავტომობილი და სასოფლო-სამეურნეო ტექნიკის შესანახი ანგარი", - განაცხადა კრავჩენკომ.
მისი თქმით, წუხელ რუსულმა ძალებმა კიევის ოლქზე კიდევ ერთი სარაკეტო შეტევა განახორციელეს. საჰაერო განგაში თითქმის სამ საათს გაგრძელდა.
„უკრაინის საჰაერო თავდაცვის ძალების პროფესიონალური მუშაობის წყალობით, კრიტიკულ ინფრასტრუქტურაზე დარტყმები არ მომხდარა", - აღნიშნა კიევის სამხედრო ადმინისტრაციის ხელმძღვანელმა.
