ესპანეთსა და იტალიას ძლიერი ქარი და წვიმა დაატყდა თავს, საბერძნეთში კი ტყის ხანძრებს ებრძვიან

ესპანეთსა და იტალიაში ძლიერმა ქარმა და წვიმამ წყალდიდობა გამოიწვია. „ევრონიუსის“ ინფორმაციით, ბალეარის კუნძულებზე, კატალონიასა და ვალენსიაში განგაშის ნარინჯისფერი დონე გამოცხადდა, ქალაქ ბარსელონაში კი რეკორდული რაოდენობის ნალექი დაფიქსირდა.

ძლიერი ქარი და კოკისპირული წვიმა მოვიდა ჩრდილოეთ იტალიაშიც. ლომბარდიაში ძლიერმა ქარიშხალმა ხეები ამოძირკვა და შენობების სახურავები დააზიანა. ძლიერი ქარიშხალი დაატყდა თავს ლიგურიასაც.

ამასთან, კვლავ ტყის ხანძრებს ებრძვიან საბერძნეთში. სახანძრო დეპარტამენტის ცნობით, კვირას ქვეყნის მასშტაბით 105 დიდი და მცირე ხანძრის კერა ფიქსირდებოდა, მათგან 46 ბოლო 24 საათის განმავლობაში გაჩნდა.

ყველაზე რთული მდგომარეობაა ევროსის რეგიონში, თურქეთთან საზღვართან, სადაც კვირას ევაკუაციის ბრძანება კიდევ ორმა ​​დასახლებულმა პუნქტმა მიიღო.

ევროკავშირის ოფიციალური პირები აცხადებენ, რომ ევროპაში ხანძრების სიხშირის ზრდა კლიმატის ცვლილებითაა გამოწვეული.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა