რუსეთის თავდაცვის სამინისტროს მტკიცებით, საჰაერო თავდაცვის სისტემებმა ტულის ოლქში ორი უკრაინული უპილოტო საფრენი აპარატი გაანადგურეს.

„დღეს დილით აღიკვეთა კიევის რეჟიმის მცდელობა განეხორციელებინა ტერორისტული თავდასხმა რუსეთის ფედერაციის ობიექტებზე ორი დრონით. უპილოტო საფრენი აპარატები საჰაერო თავდაცვის ძალებმა გაანადგურეს", - აღნიშნულია უწყების განცხადებაში.

შეგახსენებთ, რუსეთის თავდაცვის სამინისტრო, ბოლო პერიოდში ხშირად ავრცელებს ინფორმაციას რუსეთის ტერიტორიაზე დრონების განადგურების შესახებ და დრონებით შეტევას “კიევის რეჟიმის” ტერორისტულ თავდასხმად" აფასებს. უკრაინის ხელისფლებაში დრონებით შეტევასთან კავშირს ოფიციალურად არ ადასტურებენ.