უკრაინის თავდაცვის ძალებმა, ბოლო დღე-ღამის განმავლობაში, რუსეთის კიდევ 530 ჯარისკაცი და 14 ტანკი გაანადგურეს, - ინფორმაციას უკრაინის შეიარაღებული ძალების გენერალური შტაბი ავრცელებს.
გენშტაბის ცნობით, რუსეთმა უკრაინაში ომის დაწყების შემდეგ 261 840-მდე ჯარისკაცი დაკარგა.
ამასთან, უკრაინაში შეჭრის დღიდან რუსების საერთო დანაკარგები მოიცავს: 4 414 ტანკს, 8 579 ჯავშანტექნიკას, 5 450 ერთეულ საარტილერიო სისტემას, 315 საბრძოლო თვითმფრინავს და 316 ვერტმფრენს, 7 909 ავტომობილსა და საწვავის ავზს, 18 გემს/ნავს, 4 387 უპილოტო საფრენ აპარატს, 820 ერთეულ სპეცტექნიკას და 1 419 ფრთოსან რაკეტას.