მოძრაობის კონტროლის სისტემაში შექმნილი ხარვეზის შემდეგ ლონდონის უმსხვილესი აეროპორტი შეფერხებით იმუშავებს.

SkyNews-ის ცნობით, დიდი ბრიტანეთის საჰაერო მოძრაობის მართვის სისტემაში არსებული ტექნიკური ხარვეზი აღმოფხვრილია, მაგრამ ამის შედეგები მაინც იქონიებენ ზეგავლენას ქვეყნის აეროპორტების მუშაობაზე, მათ შორის, ლონდონის უმსხვილესი აეროპორტის - „ჰითროუს“, მუშაობაზე.

სააგენტოს ცნობით, გასული დღე-ღამის განმავლობაში გაუქმდა 232 რეისი დიდი ბრიტანეთიდან და 271 რეისი დიდ ბრიტანეთში, რაც ყველა რეისის 8-9% შეადგენს, დისპეტჩერებს ფრენების გეგმების შეყვანა ხელით რეჟიმში უწევდათ.

დიდი ბრიტანეთის ტრანსპორტის მინისტრის, მარკ ჰარპერის განცხადებით, პრობლემის გადაწყვეტის მიუხედავად, მისი შედეგები გარკვეული დრო მაინც აისახება დიდი ბრიტანეთის აეროპორტების ნორმალურ მუშაობაზე.

შეგახსენებთ, რომ დიდ ბრიტანეთში ავიადისპეტჩერების მუშაობაში ტექნიკური ხარვეზი გუშინ გამოვლინდა და ქვეყნის 15 უმსხვილეს აეროპორტს შეეხო.