ბელარუსში რუსეთის შეიარაღებული ძალების ახალი ეშელონი ჩავიდა. მედიის ცნობით, ეს რუსეთის შეიარაღებული ძალების უკვე მეორე ეშელონია, რომელიც ბელარუსში კოლექტიური უსაფრთხოების ხელშეკრულების ორგანიზაციის სამხედრო წვრთნებში მონაწილეობის მისაღებად ჩავიდა.

„რუსი სამხედროები ბელარუსში კოლექტიური უსაფრთხოების ხელშეკრულების ორგანიზაციის ოპერატიული რეაგირების ძალებთან ერთობლივ წვრთნებში „ურთიერთმოქმედება - 2023“-ში მონაწილეობის მისაღებად ჩავიდნენ, რომელიც ამ ქვეყნის ტერიტორიაზე 1-დან 6 სექტემბრამდე ჩატარდება ", - ნათქვამია გავრცელებულ ინფორმაციაში.

ბელარუსული მედია ასევე იუწყება, რომ ამავე დროს ქვეყნის ტერიტორიაზე კიდევ 4 სამხედრო წვრთნის ჩატარება არის დაგეგმილი.