იტალიის ჩრდილოეთ ნაწილში, მატარებელი ხუთ მუშას დაეჯახა, რომელიც ლიანდაგის სარემონტო სამუშაოებზე მუშაობდა. ყველა მათგანი დაიღუპა. ინფორმაციას იტალიური სააგენტო ANSA ავრცელებს.

„ინციდენტი ტურინთან ახლოს მოხდა. მატარებელი 160 კმ/სთ. სიჩქარით მოძრაობდა, გაუგებარი მიზეზებით, ის იმ ლიანდაგზე აღმოჩნდა, სადაც 7 კაცისგან შემდგარი სარემონტო ბრიგადა მუშაობდა. ვერც მემანქანემ, ვერც ბრიგადის უმეტესმა ნაწილმა რეაგირება ვერ მოასწრეს. ხუთი მუშა ადგილზე დაიღუპა“, - ნათქვამია განცხადებაში.

ადგილზე რეგიონის პრეზიდენტი, პიემონტ ალბერტო ჩირიო მივიდა.

უბედური შემთხვევის გამო, 16 რეგიონული მატარებლის რეისი გაუქმდა, კიდევ 12 ცხრილის ცვლილებით იმოძრავებს ან ავტობუსებით ჩანაცვლდება.