ჯოზეფ ბორელი უკრაინისთვის და სხვა კანდიდატი ქვეყნებისთვის ევროკავშირში გაწევრიანების თარიღის დათქმის იდეით გამოდის

ევროკავშირის უმაღლესი წარმომადგენელი ჯოზეფ ბორელი უკრაინისთვის და სხვა კანდიდატი ქვეყნებისთვის ევროკავშირში გაწევრიანების თარიღის დათქმის იდეით გამოდის. ამის შესახებ ინფორმაციას ნიდერლანდური გამოცემა Leidsch Dagblad-ი ავრცელებს.

ბორელის თქმით, აღნიშნული გადაწყვეტილება სტიმულს მისცემს ევროკავშირს და კანდიდატ ქვეყნებს, რათა უფრო აქტიურად მოემზადონ გაწევრიანებისთვის.

აღინიშნება, რომ ასეთი ფორმით ბორელი მხარს უჭერს ევროპული საბჭოს პრეზიდენტის შარლ მიშელის წინადადებას, რომლის თანახმადაც 2030 წელს ევროკავშირი და კანდიდატი ქვეყნები მზად უნდა იყვნენ გაფართოებისთვის.

ბორელის თანახმად, „ძალიან კარგია მიზნის, ჰორიზონტის დასახვა, რათა პროცესს პოლიტიკური მომენტი მიეცეს“. ამავდროულად, მისი აზრით, იმის აუცილებლობა რჩება, რომ პოტენციალური წევრები გაწევრიანების პირობებს აკმაყოფილებდნენ, ვინაიდან „წინააღმდეგ შემთხვევაში ეს არ მოხდება”.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
ლოპოტა კერამიკული ქანდაკებების საერთაშორისო სიმპოზიუმს Bird of Paradise 2024-ს მასპინძლობს