რუსეთის კურსკის ოლქის ქალაქ კურჩატოვს, სადაც ატომური ელექტროსადგური მდებარეობს, ორი უკრაინული დრონი დაესხა თავს, - ამის შესახებ ოლქის გუბერნატორი რომან სტაროვოიტი იუწყება.

მისი ინფორმაციით, თავდასხმის შედეგად დაზიანდა ადმინისტრაციული შენობა და საცხოვრებელი კორპუსი.

„კურჩატოვს დილით ორი უკრაინული დრონი დაესხა თავს. დაზიანდა ადმინისტრაციული შენობა და საცხოვრებელი კორპუსი. ადგილზე სპეციალისტები იმყოფებიან. დეტალები ზუსტდება“, - წერს გუბერნატორი „ტელეგრამ“ არხზე.

კურჩატოვში კურსკის ატომური ელექტროსადგურია განთავსებული. ქალაქი უკრაინის საზღვრიდან დაახლოებით 70 კილომეტრში მდებარეობს.