პოლონეთი ბელარუსის საჰაერო სივრცის დარღვევას უარყოფს. ამის შესახებ პოლონეთის შეიარაღებული ძალების ოპერატიული მეთაურობის წარმომადგენელმა იაცეკ გორიშევსკიმ პოლონურ რადიოსთან საუბარში განაცხადა.
მისი თქმით, ანგარიშები, რომლებიც ბელარუსმა ოფიციალურმა პირებმა Reuters და AFP საინფორმაციო სააგენტოებს გაუგზავნეს, სიმართლეს არ შეესაბამებიან.
„ინფორმაცია, რომელსაც ბელარუსული მედია საშუალებები ავრცელებენ, არის ტყუილი, ეს პროვოკაციული ქმედებებია. ჩვენი ვერტმფრენის რადიოლოკაციური აღჭურვილობის ყველა ჩანაწერი ერთმნიშვნელოვნად აჩვენებს, რომ ასეთი [საზღვრის] დარღვევა არ ყოფილა. პოლონური მხარე საზღვრების დაურღვევლობის შესახებ ყველა დებულებასა და წესს ემხრობა”, - განაცხადა გორიშევსკიმ.
ცნობისთვის, აქამდე ბელარუსულმა მხარემ განაცხადა, რომ პოლონური ვერტმფრენი „ძალიან დაბალ სიმაღლეზე” მათ ტერიტორიაზე დაახლოებით, 1200 მეტრის მანძილზე შემოვიდა და უკან დაბრუნდა.
