ევროკომისიის სპიკერმა, პეტერ სტანომ ოფიციალური მოსკოვის მიერ უკრაინის ოკუპირებულ ტერიტორიებზე ე. წ. „არჩევნების“ ჩატარება დაგმო.

აღნიშნულ განცხადებას პეტერ სტანო X-ზე (ყოფილი Twitter-ი) აქვეყნებს.

„რუსეთის ფედერაციამ უკრაინის დროებით ოკუპირებულ ტერიტორიებზე თავის უკანონო ე.წ. არჩევნებზე ვადამდელი კენჭისყრა დაიწყო. ეს საერთაშორისო სამართლისა და უკრაინის სუვერენიტეტის შემდგომ მასობრივ დარღვევას წარმოადგენს“, - განაცხადა სტანომ.

მისივე თქმით, ყველა პირი, რომელიც დაკავშირებულია ამ უკანონო პროცესთან, პასუხისგებაში მიეცემა.

„ყირიმი, ხერსონი, ზაპოროჟიე, დონეცკი, ლუგანსკი – ყველაფერი ეს უკრაინაა”, - დასძინა მან.