თურქეთის პრეზიდენტის მრჩეველი - მჯერა, რომ რეჯეფ თაიფ ერდოღანისა და ვლადიმერ პუტინის შეხვედრა შავი ზღვის მარცვლეულის შეთანხმების საკითხში ყველაზე მნიშვნელოვან როლს შეასრულებს

რუსეთისა და თურქეთის პრეზიდენტები, ვლადიმერ პუტინი და რეჯეფ თაიფ ერდოღანი ხვალ დაგეგმილ შეხვედრაზე შავი ზღვის მარცვლეულის შეთანხმებაზე გაამახვილებენ ყურადღებას, რადგან თურქეთი ცდილობს, მოსკოვი შეთანხმებას დაუბრუნდეს, - ამის შესახებ ერდოღანის მთავარმა მრჩეველმა საგარეო პოლიტიკისა და უსაფრთხოების საკითხებში, აკიფ ჩაღატაი კილიჩმა ტელეარხ A Haber-თან ინტერვიუში განაცხადა.

„ჩვენ აქ წამყვან როლს ვთამაშობთ. მარცვლეულის დერეფნის რეალიზაციისთვის მთელი მსოფლიოსგან ძლიერ მხარდაჭერას ვხედავთ. ორშაბათის სამიტზე მარცვლეულის შეთანხმების ამჟამინდელი სტატუსი განიხილება. სიფრთხილეს ვიჩენთ, მაგრამ იმედი გვაქვს, რომ წარმატებას მივაღწევთ, რადგან ეს არის სიტუაცია, რომელიც გავლენას ახდენს მთელ მსოფლიოზე", - აღნიშნა თურქეთის პრეზიდენტის მრჩეველმა.

მისი თქმით, ანკარა აცნობიერებს, რომ შეთანხმების ირგვლივ ტექნიკური სირთულეები არსებობს, განსაკუთრებით რუსული მარცვლეულისა და გადახდის მექანიზმებთან დაკავშირებით. საკითხი ასევე მოიცავს საერთაშორისო გადახდის სისტემებს, როგორიცაა SWIFT-ი, რაც მრავალმხრივ გამოწვევას წარმოადგენს.

„აქ მნიშვნელოვანია რუსეთის ლიდერის გადაწყვეტილება. მჯერა, რომ პრეზიდენტ ერდოღანისა და პუტინის ორმხრივი შეხვედრა ამ საკითხში ყველაზე მნიშვნელოვან როლს შეასრულებს", - აღნიშნა აკიფ ჩაღატაი კილიჩმა.

შეგახსენებთ, რუსეთისა და თურქეთის პრეზიდენტების შეხვედრა ხვალ სოჭში გაიმართება.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)