ოდესის ოლქში, დრონებით თავდასხმის გამო, საჰაერო განგაში გამოცხადდა, - ინფორმაციას უკრაინული მედია საჰაერო ძალებზე დაყრდნობით ავრცელებს.

მათივე ცნობით, თავდასხმა მოხდა იზმაილის, კილიასა და პრიმორსკოეს რაიონებზე. გავრცელებული ინფორმაციით, რუსებმა, სავარაუდოდ, პრიმორსკო-ახტარსკიდან Shahed-ის დრონები გაუშვეს.

"თითქმის ორი საათია, მტერი ოდესის ოლქს სამხრეთ ნაწილს (იზმაილის რაიონი) დრონებით უტევს", - განაცხადა ოდესის საოლქო-სამხედრო ადმინისტრაციის ხელმძღვანელმა, ოლეგ კიპერმა.

მისი თქმით, რეგიონში საჰაერო თავდაცვა მოქმედებს.

შეგახსენებთ, რუსები ოდესის ოლქს გუშინაც დაესხნენ თავს, რის შედეგადაც საპორტო ინფრასტრუქტურა დაზიანდა და ორი ადამიანი დაშავდა.