ლატვიაში მასშტაბური სამხედრო წვრთნები იწყება. 5 სექტემბრიდან 2 ოქტომბრამდე ლატვიის ტერიტორიაზე, ქვეყნის ეროვნული შეიარაღებული ძალების ორგანიზებით, კომპლექსური სამხედრო წვრთნები - Namejs 2023, ჩატარდება. ინფორმაციას Delfi ავრცელებს.

სააგენტოს ინფორმაციით, წვრთნებში აშშ-დან, დანიიდან, ესტონეთიდან და ლიეტუვიდან, ასევე ლატვიაში არსებული ნატოს საბრძოლო ჯგუფის, ლატვიაში ნატოს ძალების საინტეგრაციო ქვედანაყოფის სამხედროები და ლატვიაში კანადის შეიარაღებული ძალების მეთაურობის წარმომადგენლები მიიღებენ მონაწილეობას.

„წვრთნების მხარდაჭერას რეაგირების გაერთიანებული ძალები უზრუნველყოფენ. წელს პირველად წვრთნების ორგანიზება ნატოს დივიზიასთან - „ჩრდილოეთთან“, ერთობლივად მოხდება. ერთდროულად ქვეყნის ტერიტორიაზე ყოველწლიური წვრთნა „ვერცხლის ისარი“ ჩატარდება“, - ნათქვამია განცხადებაში.

სულ წვრთნებში დაახლოებით 8500 სამხედრო მიიღებს მონაწილეობას.