ლიეტუვის პრეზიდენტის განცხადებით, კიევისთვის დასავლეთის მიერ იარაღის მიწოდების შესახებ გადაწყვეტილებების მიღებაზე არსებით ზეგავლენას ამ ქვეყანაში კორუფციასთან დაკავშირებული სკანდალები ახდენენ

ლიეტუვის პრეზიდენტის, გიტანას ნაუსედას განცხადებით, ოფიციალური კიევისთვის დასავლეთის მიერ იარაღის მიწოდების შესახებ გადაწყვეტილებების მიღებაზე არსებით ზეგავლენას ამ ქვეყანაში კორუფციასთან დაკავშირებული სკანდალები ახდენენ. ინფორმაციას ლიეტუვის ტელერადიოკომპანია LRT ავრცელებს.

ნაუსედას თქმით, ვინაიდან ის ქვეყნები, რომლებიც უკრაინას მხარდაჭერას უწევენ, დემოკრატიული ქვეყნებია, მათ თავისი საზოგადოების განწყობები და ამომრჩევლის აზრი უნდა გაითვალისწინონ.

„ეს ძალიან მნიშვნელოვანი მიზეზია. წარმოიდგინეთ, ამა თუ იმ სახელმწიფოს ამომრჩეველი ხედავს, რომ ქვეყანაში, სადაც დახმარება იგზავნება, შესამჩნევი კორუფციული სკანდალები მიმდინარეობს. ეს ამ ქვეყნის რეპუტაციისთვის სერიოზული დარტყმაა“, - განაცხადა ლიეტუვის პრეზიდენტმა.

ნაუსედას კომენტარი უკრაინის თავდაცვის მინისტრის, ოლექსი რეზნიკოვის დაკავებული თანამდებობიდან გათავისუფლებისა და მის ადგილზე რუსტემ უმეროვის დანიშვნის შესახებ უკრაინის პრეზიდენტის, ვოლოდიმირ ზელენსკის გადაწყვეტილებას მოჰყვა.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა