პუტინს გარკვეული კონტროლი აქვს საქართველოზე, მაგრამ უკრაინის წაგების შემთხვევაში ის საქართველოს მიმართ უფრო აგრესიულ ნაბიჯებს გადადგამს. ამის შესახებ "მაკკეინის ინსტიტუტის" აღმასრულებელმა დირექტორმა ეველინ ფარკასმა ჟურნალისტებთან საუბარში განაცხადა.
“ყველაფერი უკრაინით იწყება და მთავრდება. თუ უკრაინა რუსეთის მიერ დამარცხდება, შემდეგ დღეს ვლადიმირ პუტინი უფრო აგრესიულ და შეუპოვარ კონტროლს აიღებს საქართველოზე.
ახლა მას გარკვეული კონტროლი აქვს საქართველოზე, ვინაიდან, სამხედრო ოკუპაციაში აქვს თქვენი ქვეყანა და თქვენს პოლიტიკაში ერევა, მაგრამ უკრაინის წაგებიდან მეორე დღეს ის უფრო აგრესიულ ნაბიჯებს გადადგამს საქართველოს მიმართ, მოლდოვის მიმართ, რეალურად ყველა ქვეყნის მიმართ, რომლებიც ნატო-ს არ მიეკუთვნებიან, და შემდეგ ის ნატო-ს წინააღმდეგ წავა, ვინაიდან, იცის, რომ ეს ერთადერთი საერთაშორისო ალიანსია, რომელსაც შეუძლია მის აგრესიულ ნეო-იმპერიულ ამბიციებს დაუპირისპირდეს”, - განაცხადა ფარკასმა.