უკრაინის სახმელეთო ჯარების მეთაურის, ალექსანდრ სირსკის განცხადებით, აღმოსავლეთის ფრონტზე მძიმე ვითარებაა.
ინფორმაციას The Guardian-ი ავრცელებს.
სირსკის თქმით, უკრაინული ჯარის მთავარ ამოცანად გათავისუფლებული ტერიტორიების საიმედო თავდაცვა და საყრდენი პუნქტების დაკარგვის არდაშვება რჩება.
„მოწინააღმდეგე დონეცკისა და ლუგანსკის ოლქების საზღვრებზე გასვლის გეგმებს არ ეშვება, ჩვენ კი, კუპიანსკისა და ლიმანის მიმართულებებზე დაკავებული პოზიციების შენარჩუნება უნდა შევძლოთ, და ასევე წარმატებით წავიწიოთ წინ და გავიდეთ ბახმუტის მიმართულებაზე დასახულ ლოკაციებზე“, - განაცხადა უკრაინის სახმელეთო ჯარების მეთაურმა.